Previous Lesson -- Next Lesson
YUHANNA - Nur zulmette chaqnaydu
Yuhannagha asasen mesihning injilini üginish
1. Sözning wujut arqiliq namayen bolushidin burunqi mahiyiti we xizmiti (Yohanna 1:1-5)
Yuhanna 1:5
5 u nur zulmette yoruptu, emma zulmet uni yapalmaptu.
Xuda bilen munasiwetlik herqandaq bir nerse nur we sapliq bilen tolghan. U ashkara we güzel. Uning tesirige uchrighan hich nerse qarangghu emes. Hemme nerse pak, durus, chin we muqeddes. Uning dergahida hichqandaq napakliqni tapqili bolmaydu. Muqeddes roh sap, rebbining nuri yeqimliqtur. U teselli berish bilen birge shipaliqtur.
Mesihning nurining yoruqliqi jenet bilenla chekiliniglik emes. Ular zulmetni bösüp chiqip, guhimizni yuyushqa türtke bolghandur. Bügünki künde rebbining zulmetlerde parlishi ajayip bir shepqettur. U azghashqan insaniyetni tashliwetmidi, belki ularning qabahettin qutuldurdi, ularni yorutti, ularni heqiqet ichide erkinlikke èrishish pursitige ige qildi.
Biz yoruqliqtiki dunya bilen qarmu qarshi bolghan zulmettiki dunyaning mewjutliqidin waqip bolushimiz kerek. Biz zulmetning qeyerdin kelgenlikini tepsili bilmeymiz. Yuhanna injilida bu mexpiyetlikni ashkarlimighan. U bizning yoruqliqni chüshinishimizni , ghepletke patmasliqimizni ümid qilghan. Pütün insanlar we mewjudatlar ghepletke patqan bolup, pütün alem qebihlering kontrolliqididur.
Belkim siz “eger eysa xuda bilen birlikte bu alemni yaratqan we qarimaqqa yaxshi turup, qandaq qilip zulmet uning ichige soqunup kirelidi? Xuda insaniyetni özining qiyapitige qarap yaratqan bolsa, emise nimishqa kishilerde xudada bolidighan nur kem? “ dep sorishingiz mumkin.
Yuhanna sheytanning ismini tilgha almighan, chünki sheytan rebbige asiyliq qilghan we uning nurini yoqatmaqchi bolghan. U da’im mesihge qarshi bolghachqa, uning bergen nurini yoqitip qoyghan. Sheytan mughemberliship hetta xudadin ötüp ketmekchimu bolghan. Shundaq qilip u zulmetning mel’uni bolup qalghan.
Ey qèrindishim, sizning hayatliq nishaningiz nime? Sizmu xudasiz ulughluq, nam –sherep, mughemberlikni qoghlashmaqchimu?eger shundaq bolsa, sizmu shu zulmettiki kishilerge, yeni iblislargha mensuptur. U özini yalghuz his qilmaydu, chünki milyonlighan kishiler uning bilen bu zulmetning ichididur.Yoldiki aldingizdin ötken kishilerning yüzige qarap bèqing. Siz ularning közidin yoruqluq yaki zulmetni körelidingizmu? Ularning yürikidin ekis ètidighini xudaning xoshalliqmu yaki sheytanning qayghusimu?
Mel’un xudagha öch, chünki uning muqeddes nuri uni sotlighan idi. U nurning öziningyawuzliqini ashkarlishini xalimaytti. Shunga u rebbini we uning nurigha egeshküchi kishilerning üstidin ghalip kelish üchün, özini yoshurup we niqablinip yürüydu. Bu wapasiz rebbining nurigha berdashliq bèrelmey, eksiche bu nurgha öch bolup qalghan idi. U nurgha yèqinlashmasliq üchün, meqsetlik yüzini yèpiwalidu. Millionlighan kishilerning mesih nurining ularning guha bilen tolghan zulmette parlighanliqini körelmesligi nimidigen qorqunushluq bir ish he! biz nimining quyash ikenligini bilimiz. Buni chüshendürüshimizning hajiti yoq. U özi peyda bolidu, yoritidu, süzülidu, parlaydu. Her bir kichik balimu buning hayatliqning menbesi ikenligini bilidu.
Lèkin nurghun kishiler mesihning shenini we qudritini his qilalmaydu, chünki ular uni qobul qilmaqchi emestur. Quruq sölet idiyologlar ularning közini xuddi qèlin gilem etkendek yèpip qoyghachqa, ular mesihning ilhiyliqi heqqidiki heqiqi uchurlarni ret qilidu. emiliyette ular özining gunahini körishi xalimaydu. Ular nurning yèqinliship, zulmette qèlip qèlishini xalimaydu. Ular özining gunahini retmu qilmaydu ètirapmu qilmaydu. Ular mughuemberliship, tekebburliship kètidu. Ular dawamliq közini ètiwalghan bolup, mesihning nurini körelmeydu. Zulmet yoruqluq bilen èliship, yoruqluq muhebbet bilen uning üstidin ghalip kelgen. Emise siz kin? Rebbidin kelgen yoruqluqmu yaki iblistin kelgen zulmetmu?
DU’A: ah rebbim, sen dunyaning nuri. Biz sanga eqide baghlap, muhebbitingde sanga egishimiz. biz hayatliqning nurini alduq, emdi zulmetlik yolda mangamaymiz. Sanga rexmet èytimiz, chünki zulmette xudaning ghezipige uchirap qorqqinimizda, sen bizni chaqirip özengning sap nuringgha èlip kirip, bizni yalghuz qoymudung. Etrapimizdiki, yeni gerche sen ularning etrapida parlisangmu körmigen millionlighan kishilerning közini achqin. Ey perwerdigar, bizge rehim qilghin! bizge nur bergin!''
SU’AL:
- yoruqluq bilen zulmetning ilahi söz bolush süpiti bilen bir biri bilen bolghan perqi nime?
Zulmettiki puqralar büyük nurni kördi; ölüm kölenggiside turiwatqan zat ularni yorutti. (yeshaya 9:2)