Waters of Life

Biblical Studies in Multiple Languages

Search in "Peul":
Home -- Peul -- John - 121 (Jesus appears to the disciples)
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula? -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- PEUL -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

YUUHANNA - Ndaygu ngun jalbi ka nder nibhe
Jandeeji ka Linjiila no Yuhanna seedorii nonn

DAMAL 4 - Fii no ndaygu ngun fooliri non nibhe dhen (Yuuhanna 18:1 – 21:25)
B - Fii immutal Iisaa-Almasiihu on e feenyannde makko nden (Yuuhanna 20:1 - 21:25)

2. Fii no annabi Iisaa feenyirani taalibaabhe bhen ka suudu dow-dowru (Yuuhanna 20:19-23)


YUUHANNA 20:21
21 Iisaa wi’i bhe kadi fahin: Yo jam wonu e mon. Min kadi mi nulirii on wano Baabaajo on nulirimmi non.

Nde annabi Iisaa fillitii dhimmun salminaango ngon, himo miijaade fii montande junuubaaji dhin e moyyhintinande nden, kono himo faalanoo yo taalibaabhe bhen wonu bhuttinoobhe e yedhaybhe aduna yanudho on kisiyee on. Ka hoore leggal altindiraaangal, Alla no yaafanaade yimbhe bhen fow. Nden huunde heyre yedhay yimbhe bonbhe bhen kisiyee wondudho e hoolaare wondude e fodaari no gomdhinbhe bhen laawora nyaawoore nden e tama’u no bhe jattiniree mayde nden. Annabi Iisaaa neli taalibaabhe makko bhen ka aduna fii yo bhe fennyinan junuubankeebhe bhen bhuttu iwugu ngun ka Alla.

Hisinaabhe bhen fow sabu sulfu Alla on ko heydhintiniraabhe ka nder, bhe yaafanto aybhe mabbhe bhen wano Alla yaaforani bhe non. Bhe subhike ronditagol angal peewal ngal, edii subhgol mabbhe huuwugol ko boni. Rewrude e mabbhe, Alla no hibbude urngol wongol ngol ka kammu wano annabi Iisaa maakiri non: «Bhuttinoobhe bhen ko malaabhe, bhay bhe noddiroyte bhibbhe Alla.» Faale amen on nde medhen fennyina Kibaaru Moyyho hinaa waylugol no piiji dhin woniri non maa sincugol bhuttu samakalawu hakkunde jamaaji dhin. Medhen toraade Alla fii no ruuhuuji dhin wattitiree e no bherdhe yoorudhe dhen wontira newiidhe. Onsay laamu ngun wayloto nde sugu nden wattitande laatii.

Annabi Iisa townii golle taalibaabhe makko bhen e nokkuure toowunde: «Min kadi mi nulirii on wano Baabaajo on nulirimmi non.» Ko honno Baabaajo on nuliri Bhiddh on? Aranun dhun, ko wa Bhiddho makko on. Dhimmun dhun ko fii bhangingol ko Alla woni kon Baabaajo e laabhal makko ngal ka daaluyee e ka kuugal e ka dewal, annabi Iisaa no marunoo Daalol Alla ngol, heewungol giggol e poomayankewol ngol. Ko rewrude e dhin sariyaaji yi’eten firo e tobbhe dhe fennyingol Linjiila on dhabbhi dhen. Rewrude e mayde makko nden annabi Iisaa wattii en faybhe Alla fii no wuuriren ngurndan laabhudhan dhan wondaa e ella e nder giggol ngol.

Almasiiyaabhe bhen ko imminaabhe makko e fewnaabhe e labbhinaabhe fii wonangol Baaba poomayankeejo on lonto giggol makko ngol. Nelal mabbhe ngal ko ko tawi kon rewrude e mayde Almasiihu on nden o wattii en faybhe makko. Ko leggal altindiraangal ngal woni tugalal ko bhe hesindhinaa kon, ko gomdhinal ngal kadi woni laawol wattayngol en ngol jogoraabhe wa bhibbhe.

Wano annabi Iisaa jibiniraa non fii okkitirgol hoore makko sadaka, ko non taalibaabhe makko bhen andiri firo sadaka on. Bhe alaa e mantaade, kono hibhe yhettiri hoore mabbhe wa jiyaabhe Jom-Bhural on e yimbhe bhen fow. Joomi mabbhe on jattinii bhe mbaadi hindi ndin no bhe yidhira giggol ngol o yidhiri ngol.

TORAARE: Iisaa Joomi, men jarnii ma fii ko noddudhaa men kon, menen bhee bhe handaa e mawningol Baabaajo on e innde maa nden ka miijo e ka kuugal. Men jarnii ma fii ko yaafanidhaa men kon junuubaaji amen dhin! A labbhinii men no men waawira fennyinirande bheya yimbhe bhuttu maa ngun fii no bhe andire e no bhe wuurira e nder goonga on. Men jarnii ma, yaa an Almasiihu sabu a wattii men faybhe giggol maa ngol fii no bhe yidhira e no men wonira yaafotoobhe, wano wonirdhaa non jom giggol e yaafotoodho.

LANDAL:

  1. Ko hondhun nhaldhini e nder ko taalibaabhe bhen imminaa kon?

www.Waters-of-Life.net

Page last modified on April 05, 2012, at 12:25 PM | powered by PmWiki (pmwiki-2.3.3)