Waters of Life

Biblical Studies in Multiple Languages

Search in "Peul":
Home -- Peul -- John - 097 (The Holy Spirit reveals history's developments)
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula? -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- PEUL -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

YUUHANNA - Ndaygu ngun jalbi ka nder nibhe
Jandeeji ka Linjiila no Yuhanna seedorii nonn

DAMAL 3 - Ndaygu ngun no jalbude ka kurunwol sahaabaaSAHAABAAɓe ɓen (Yuuhanna 11:55 - 17:26)
D - Fii no bhe waynodiriri non ka laawol Jatsaymaani (Yuuhanna 15:1 - 16:33)

4. Fii ko Ruuhu-Seniidho on fennyini kon fii piiji bhurdhi dhin hittunde ka taariika (Yuuhanna 16:4-15)


YUUHANNA 16:12-13
12 Midho mari fahin piiji buy ko mi yewta on, kono on waawataa dhi faamude fewndo dhoo. 13 Tuma on Ruuhu Wondudho e Goonga ari, o ardoyto on e kala goonga, ko fii kongudhi makko dhin wonaa e makko iwroyta, kono o yewtoyay kala ko o nani, o yewta on kadi fii piiji aroyaydhi.

Almasiihu on no andi piiji dhin fow. Himo faalanoo andinde taalibaabhe makko yidhaabhe bhen gundooji wondhi dhin ka kammuli e fii ko aroyta kon, kono faamu ngu bhe joginoo ngun fii dhin goongaaji no rabbhidhi. Ka hasii kon weebhanaa en faamugol wonde Almasiihu on no ka kammu, himo toolii ka sengo nyaamo Alla, awa kadi fewndo dhon kadi himo tabiti ka nder bherdhe men. Ko Ruuhu-Seniidho on tun gaynata fennyinangol en dhun. Wano ngal missal dhon sattiri non, weebhanaa en kadi faamude wondema Alla no woodi e nder mbaadiiji yimbhe tato. Ko huunde nde ngaandi men ndin waawataa faamude, kono Ruuhu on wallay en faamude on gundoo, o ardoo en. Himo waawi fennyinande en gundooji fii ko saati arude kon e miijooji wirniidhi dhin ka bherdhe, sabu himo andi luggeendi wondi ndin e nder Tatoobhe Laabhubhe bhen e nder gooto on.

Almasiihu on fennyini wonde tuma Ruuhu wondudho e Goonga on ari, o ardoyto on e kala goonga. Ko hondhun woni goonga on? Annabi Iisaa wi’aali «goongaaji dhin» wa si o fewtay woni piiji wondhi dhin ka aduna, kono ko o wi’i «goonga on» hino nandita wa si o wi’ii: «Ko min woni Goonga on.» Fennyinannde nden fii ardu Ruuhu on no firi wonde o ardoto en e timmoode Almasiihu on nden ka kuugal e ka wondigal. Annabi Iisaa hinaa o neddho tun, kono Bhiddho on no humondiri e Baabaajo on, kanko Baabaajo on kadi himo humondiri e makko. Wano non, si en rewii goonga on fow rewrude e makko, Ruuhu on wallitoto en no andiren Baabaajo on e no tabitiren e humagol e giggol makko ngol e ngurndan makko dhan haa poomaa. Ka nder Linjiila, ndee halfere «Goonga» hinaa goonga wonudhon on ka sariya tun fewti, kono ko goonga timmudho e feewudho, maa goonga laabhudho on, kono firooji makko dhin no bhuri e yaajude himo meemi tobbhe yaajudhe e toddhaadhe dhen fow. Wano non, Ruuhu on no ardaade en e goongaaji kammuyankeeji dhin no andiren Alla e nder Tatoobhe Laabhubhe bhen e nder Gooto on e no andiren kuudhe makko mawdhe dhen.

Ruuhu-Seniidho on kadi ko hettiidho, o yewtay, o hedhoto, himo jogii anniye makko on, kono le ko dhoftagol muydhe Baabaajo on tun o woni e wadhude. Hinaa miijooji makko dhin kanko tigi o woni e hewtinande en, kono ko ko Baabaajo on daali kon. Ka nder Tatoobhe Laabhubhe e nder Gooto on, mo bee no dhoftora oya hettaare wondude e giggol. Ruuhu on ko sella-findeejo ka seeditoore nde o seeditanii Bhiddho Allaahu on. Wano non, himo faalaa yo Moftal ngal wontu bhandu Iisaa ndun, no ngal timmira e nyalaande nde Almasiihu on artoyta nden, on Jombudho ngal.

YUUHANNA 16:14-15
14 O mawninoyay lan, ko fii o yhettoyay e ko wonanimmi kon, o fennyinana on. 15 Ko fii, kala ko Baabaajo on jeyi ko min wonani. Ko dhun wadhi si mi wi’i wonde, o yhettay e ko an kon, o fennyinana on.

Golle Ruuhu-Seniidho ko dhabbhi ko fii mawningol Almasiihu on. Wano woniri non annabi Iisaa hayfintinike, o wattii teddungal ngal fow e juudhe Ben makko, wano non Ruuhu-Seniidho on hinaa mangu mun ngun dhabbhi, kono ko no o mawninira annabi Iisaa e nder kuudhe makko dhen fow. Dhun no jannude en wondema hita en mawnintino fii ko andudhen kon e polgal ngal hebhudhen ngal e kuudhe men dhen, ko yo en mawnin annabi Iisaa Dandoowo on. Yaafuyee junuubaaji men dhin rewrude e yhiiyhan hittudhan Almasiihu on dhan no bhuri ruttande men nden hittunde. Golle Ruuhu on e bawgal makko ngal e ko o jokki kon ko huunde wootere dhabbhi, dhun ko mangu Iisaa sottungu en ngun. Ruuhu-Seniidho on golliray bawgal rewrude e ko sahaabaabhe Iisaa en bhen seeditotoo kon, bhen hollay bhe yimbhe bhen Iisaa wa fempaadho on e immintinaadho on.

Ruuhu Seniidho on no jokkitii golle dhe o fuddhii dhen rewrude e annabi Iisaa ka kongol e ka kuugal. Himo andintinde taalibaabhe bhen maakuuji annabi Iisaa dhin, himo hewtinande bhe kadi ngurndan iwudhan dhan ka Alla. Himo wakkilinde bhe no bhe dhoftora yamiroore makko nden, o ira dhadhi mabbhe dhin e Dandoowo on. Hidhen faamude wondema nabhidal haqiiqawal ngal hakkunde Tatoobhe Laabhubhe bhen e nder Gooto on dillataa, ko tabitungal. Gooto alaa e dhabbhande hoore mun mangu mun ngun, kono himo teddinde o manta o mawnina oya soono kala.

E nder ko o waajotoo kon ka hoore leydi, annabi Iisaa jabhiri yankinaare dhun dhoo: «Baabaajo on no bhuri lan mawnude. » Kono e nder ko o waydhotoo bhe kon, o maaki oo maaku dhoo: «Mi yedhaama kala bawgal ka kammu e ka hoore leydi.» Annabi Iisaa tagirii piiji dhin fow rewrude e humondiral hakkunde makko e Baabaajo on. Baabaajo on no humondiri e makko, wano baabaajo kala jogondiriri non e faybhe mun bhen, faybhe bhen kadi no jogondiriri non e ben mabbhe.

TORAARE: Iisaa-Almasiihu, a sottii men ka hoore leggal altidiraangal, a jattinii men dongal junuubaaji amen dhin. Men jarnii ma fii giggol maa yaajungol ngol. Hebbin men Ruuhu maa Seniidho on fii no ngurndan amen dhan fow mawninira sadaka maa on e ummutal maa ngal. Jattin men e welsidaare e naafigiyaagal e mawnintinaare no men wuurira goonga e moyyhere.

LANDAL:

  1. Ko honno Ruuhu-Seniidho on huuwirta e nder bhantal aduna on?

www.Waters-of-Life.net

Page last modified on April 05, 2012, at 12:04 PM | powered by PmWiki (pmwiki-2.3.3)