Waters of Life

Biblical Studies in Multiple Languages

Search in "Peul":
Home -- Peul -- John - 066 (Sheep hear the voice of the true shepherd; Jesus is the authentic door)
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula? -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- PEUL -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

YUUHANNA - Ndaygu ngun jalbi ka nder nibhe
Jandeeji ka Linjiila no Yuhanna seedorii nonn

DAMAL 2 - Ndaygu ngun no jalbude ka nibhe (Yuuhanna 5:1 - 11:54)
C - Fii yaadu Iisaa sakkitiindu ndun Yerusalaam (Yuuhanna 7:1 - 11:54) Fii ko sendindiri kon nibhe dhen e ndaygu ngun
3. Fii Ngaynaako Moƴƴo on (Yuuhanna 10:1–39)

a) Fii ko baalil ngil nanata kon hawa Ngaynaako tigi-tigiijo on (Yuuhanna 10:1-6)


Ka simoore 7 e 8, Iisaa holli ayɓe makko ɓen no ɓe fewndori non tigi, ka simoore 9 ko ɓe salii kon andituɗe fii Alla e Ɓiɗɗo makko on e niwre maɓɓe nden. Ka simoore 10, himo jattinde ɓe makko ɓen ko fawii kon jokkugol lamɓe junuubankeeɓe, o noddi ɓe ka makko. Ko kanko woni Ngaynaako moƴƴo on, baafal bajal naɓayngal ka Alla ngal.

YUUHANNA 10:1-6
1 Ka haqiiqa haqiiqa mi andinii on, on mo ƴawi nokku goo, naati ka kula baali, hara hinaa ka dambugal o rewri, haray on neɗɗo ko ngujjo, jattoowo. 2 Kono on naatirɗo ka dambugal kula, ko on woni ngaynaako baali ɗin. 3 Aynoowo dambugal kula on udditanay mo, baali ɗin nana hawa makko, o noddira baali ɗi o jeyi ɗin inɗe majji, o yaltina ɗi. 4 Nde o yaltini ɗi makko ɗin fow woo, o wontay yeeso majji, ɗi jokka mo, ko fii hiɗi andi hawa makko kan. 5 Ɗi jokkataa janano few, kono ɗi dogay mo, ɗi woɗɗitoo, ko fii ɗi andaa hawa jananɓe ɓen. 6 Ɓay Iisaa waɗanii ɓe ngal misal, laatii ɓe faamaali ko o wi’i ɓe.

E konooli goo, yimɓe ɓen ka fulawaari no mottidirde wurooji baali maɓɓe ɗin e nder kula gooto, o ayna e nder jemma on. Nde weeti, ngaynaakooɓe ɓen aray, ɓe naata ka nder kula ɓe nodda baali ɗin. Aynooɓe ɓen newnayɓe ɓe naatugol, ontuma non huunde hawniinde waɗa: ngaynaako kala noddira wuro mun ngon hawa woota andaaka. Baali ɗin no waawi sendindirde hawaaji ɗin, ɗi jokka hawa ngaynaako majji on ɗin tigi. Dolokke on hitaa, baali ɗin ko hawa mo ɗi anditata on tun ɗi hoolotoo. E nder ko o noddata ɗi kon, himo ardaade ɗi ka kuɗi ɗin haaakini ɗon e ka di’e ɗen deƴƴiti ɗon. Wuro makko ngon hawjay ɓaawo makko; baalil woo wontirtaa ɓaawo; hiɗi hoolii fota ngaynaako majji on.

Annabi Iisaa huutori ngal misal fii hollugol ɓe wondema heɗotooɓe ɓen fow hawa makko ko ɓe makko kanko Iisaa, kanko Ngaynaako mo Alla on. O ariraali ka jamaa mo ahadi hindi ndin wujugol maa kansugol, kono o suɓike ɓe o noddii ɓe e nder jamaa mo Alla suɓii on. O jattinii ɓe, o yeɗii ɓe kadi ɲaametee ruuhuyankeeje on. Ɓeya «ngaynaakooɓe» no ɓuri nanditude e wujjooɓe wangotooɓe takko wuro ngon wa cappaali weelaaɗi. Ko yimɓe wallitotooɓe no ɓe naatira e fee huutorgol ƴoyre. Ɓe wujjay baali ɗin, ɓe seekita ɗi. Ko fii hoore maɓɓe ɓe woni e wuurande, ko hoore maɓɓe ɓe tun kadi ɓe teddinta. Ɓe kurkantaako few wuro ngon. Ngaynakooɓe ɓen e jiyaaɓe naatuɓe ɓen ka nder mofte hara wonaa Alla tigi woni ko noddi ɓe, hara ɓe tabitaa tigi e Almasiihu on, ko wuyɓe Joomiraaɗo men on noddirta ɓe. Ko tampere ɓe addata edii wallitagol.

Iisaa hiitii wondema taalibaaɓe tigi-tigiiɓe ɓen woɗɗitoto ngaynaakooɓe jananɓe ɓen ɓe yi’a bone on law ko arata. O wakkilini ɓe kadi no ɓe hoolora fodaari ndi Alla tigi fodi ndin fii dankata makko wuro ngon wano Zabuura 23 on wi’iri non.

Yimɓe ɓen hari faamaali konguɗi Iisaa ɗin, sabu ɓe faamaali wondema «ngaynaakooɓe» maɓɓe ɓen hinaa selluɓe-finde, ko bomɓe kadi (Yaramiiya 2:8; 10:21; Hidaakilu 34:1-10; Zakariyaa’u 11:4-6). Kono ɗun e ɗun mun, Alla no hebulii wonangol ɓe Ngaynaako Moƴƴo on, o addana ɓe ngaynaakooɓe feewuɓe wano Muusaa e Daawuuda en non. Kitaabul-Muggadasi on no huutora mise ƴettaaɗe e ngaynakoyaagal; ɗee kalfe wano «ngaynaako; wuro; Baalun Alla kun e sottande rewrude e hibbugol ngol ƴiiƴan ɗan» ko ka nokkuuji fulawaaji ɗen kalfe fow suutaa. Alla e Ɓiɗɗo makko on no noddiree Ngaynaako Moƴƴo on, fii yaltintingol no o dankorta en non.


b) Fii ko Iisaa woni kon dambugal tigi-tigiwal ngal (Yuuhanna 10:7-10)


YUUHANNA 10:7-10
7 Iisaa wi’i ɓe kaɗi: Ka haqiiqa haqiiqa mi andinii on, ko min woni dambugal baali ɗin. 8 Adinooɓe lan arude ɓen fow ko wuyɓe e jattooɓe, kono baali ɗin heɗanooki ɓe. 9 Ko min woni dambugal ngal. Mo naatirii lan o dandete, o naatay, o yalta, o heɓa faggorde. 10 Ngujjo on kan ko aranta ko fii wujjugol, wara, hayrina. Min non ko mi arani ko fii yo baali ɗin heɓu ngurndan, hara ko ngurndan heewuɗan.

Iisaa no siforii fii makko wa baafal ardotoongal ngal wuro Alla on. Feere woo alaa no yuɓɓoɗiriren e sottaaɓe ɓen ka nder juulirɗe si Almasiihu on tawaaka. Kala etiiɗo wattugol goɗɗo aaden mo diina hara Almasiihu on tawaaka no nandita e ngujjo aawoowo jiiɓoldu ka nder ruuhu baali Alla ɗin. Ruuhu-Seniiɗo on ardotaako en e laawi sertuɗi, kono ko rewrude e baafal faaɗungal ngal, ngal le ko Iisaa. On mo naatiraali ɗon, ɲaamataa teewu an ngun, o yarata ƴiiƴan an ɗan, o jogaaki geɓal ka kurkanagol fayɓe Alla ɓen. Hiɗen haani maayinde fii meeɗen, naaten ka kula Almasiihu on; hara ontuma en tawdaama e wuro makko ngon.

Yimɓe nantuɓe innde wuurunooɓe ɓen fow fewndo e ɓawto Almasiihu on, kono hara hinaa ka nder Ruuhu-Seniiɗo makko on, ko wujjooɓe wonuɓe e janfaade. Iisaa wi’i wonde jooma gande’en fow, e jannooɓe fii miijooji en fow, e lamɓe leyɗe en ko wujjooɓe si tawii ɓe gomɗinaali mo e si ɓe ɗoftaaki mo; ɓe ɗaynay woni jamaaji ɗin rewrude e jandeeji maɓɓe e aadaaji maɓɓe. Kono annabaaɓe tigi-tigiiɓe tabituɓe ɓen e Ruuhu Almasiihu on ɓen adiiɓe mo, no wondunooo e ɓernde yankiniinde, ko ka baafal ɓe ɓadornoo Alla. Iisaa hebulini ɓe o immini ɓe no ɓe kurkorana wuro ngon no feewiri.

Gooto waawataa naatude ka kula Alla si tawii o maayinaali fii hoore makko, o humii e Iisaa no o hendora kisiyee on. Iisaa no watti baali makko ɗoftiiɗi ɗin lamɓe e yottinooɓe sadaka. Ngaynaakko on/aynoowo laaɓuɗo on ko ka baafal yaltirta, o yaha ka aduna o nodda yimɓe ɓen e kisiyee on. Ontuma on naada ɓe ka ɓandu Almasiihu on, no ɓe tabitira e makko, kanko kadi e maɓɓe. Sugu ɓen ngaynaakooɓe ƴettiraa hoore mun wa feƴƴitiiɓe baali ɗin, sabu ɓe fow ko ɓe tabitu ɓe e Almasiihu on. Kala on yankiniiɗo heɓay ka Joomi makko on bawgal e gandal ko heewi. Ɓernde yankiniinde heɓay ka Almasiihu on faggorde nde lannataa.

Laabiiji nay Iisaa no wi’ude wuro ngon yo ɓe wattan yili e jannooɓe fii sariya on ɓen e yottinooɓe sadaka ɓen, ɓen ɗaɓɓooɓe darja mun, ɗayna yimɓe ɓen.

E nder ɗun kadi, o noddi mo kala ka makko. Himo faalaaɓe yeɗude ngurndan tigi-tigitigijan wonduɗan ɗan e moƴƴere nden e ɓuttu ngun, o watta ɓe ɓundu baraaji fii ɓeya heddiiɓe. O mo arii ka Almasiihu on, wontay ɓundu fii ko moƴƴi ilayndu e ɓeya. Ngaynaakooɓe hinaa fii hoore maɓɓe wuuranta, kono yo ɓe sakko ngurnɗan mabɓe ɗan fii wuro ngon. Ruuhu Alla on okkaali en ngurnɗan iwuɗan ka kammu tun fii no hisiniren enen tun, kono himo toɗɗii en fii wontugol jiyaaɓe e ngaynaakooɓe hayfintiniiɓe, yiɗuɓe ɓeya yimɓe. No giggol ngol ɓeyɗorta non ko non ɓeyɗorta heewude haa hibba. Alaa ko labaa ɓuri kurkanagol Joomiraaɗo on! Kaa haala ɗoo no sifii ɗun moyƴa: «No ɗi heɓira ngurnɗan, hara ko ngurnɗan heewuɗan!»

TORAARE: Yaa an Iisaa-Almasiihu Joomiraaɗo, men jarnii ma fii ko wonuɗaa kon dambugal hewtinayngal ngal ka Alla. Meɗen sujjande ma sabu a noddirii men wuurugol e nder humondirgol e maa, men kurkanoo Alla e yimɓe ɓen. Wallu men no men ɗoftora faale maa on e no men heɓira ngurndan tigi-tigijan ɗan. Wallu men no men heɓira yimɓe e tindinoore Ruuhu maa on, men wonana fow barki sabu moƴƴere nde waɗanɗaa men nden.

LANDAL:

  1. Ko honɗun e baraaji Iisaa yeɗi baali ɗin?

www.Waters-of-Life.net

Page last modified on April 05, 2012, at 11:37 AM | powered by PmWiki (pmwiki-2.3.3)