Waters of Life

Biblical Studies in Multiple Languages

Search in "Peul":
Home -- Peul -- John - 009 (The fullness of God in Christ)
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- PEUL -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur -- Uzbek -- Vietnamese -- Yiddish -- Yoruba

Previous Lesson -- Next Lesson

YUUHANNA - Ndaygu ngun jalbi ka nder nibhe
Jandeeji ka Linjiila no Yuhanna seedorii nonn

Damal 1 - Jalbeendi ndaygu iwungu ngun ka Alla (Yuuhanna 1:1 - 4:54)
A - Fii ko daaluyee on wonti kon bhandu e fee Iisaa (Yuuhanna 1:1-18)

3. Heeweendi Alla ndin ko e wontugol Almasiihu on neddhanke feenyi (Yuuhanna 1:14-18)


YUUHANNA 1:15-16
15 Yaayaa seeditanii mo, ewnii: Ko oo mi wowlunoo fii mun, mi wi’i: Araynoodho bhaawo an on ko bhurdho lan mawnude, ko fii hari himo woodaa ko adii lan. 16 Awa en fow en hebhii moyyhere e hoore moyyhere immorde e ko woni e makko kon fow.

Lootoowo maande tuubuubuyee on bhanginiri hawa tiidhuka wonde Almasiihu on, aroyoowo on bhaawo makko no woodaa ko adii mo, hara hinaa e zurriyankaaku adunayankeeru ndun. Immorde e kon ko o bhangini, Lootoowo maade tuubuubuyee on tabintini fii allankaaku Almasiihu on. O seedii seeditoore haqiiqaare wondema Almasiihu on no yawti yaasi on e saa’iiji dhin e hayrande, mo alaa on fuddhoode e mo nyolataa on.

Ka wulaa lootoowo maande tuubuubuyee on tampi sabu ittiri ko junuubu bonani kon neddhanke. O janni fii tuubuubuyee no junuubaaji dhin yaafortee. Kono bhay o yi'ii Iisaa, bhernde makko nden weltii, ko fii Almasiihu on ko wa neddhanke poomayankeejo jibiniraa, heewudho goonga, awa mayde nden jogaaki doole e hoore makko. Welo welo fii ko Almasiihu on wonti kon neddhanke e juldeere mun nden ko e ngurndan poomayankejan dhan iwi, iwudhan ka Alla e bhandu neddhanke. Ko non polgal ngurndan dhan e hoore mayde nden fuddhorii sabu junuubu nabhaydho on ka mayde ittaama e makko.

Lootoowo maande tuubuubuyee on manti mawnini heeweendi Alla wondi ndin e Almasiihu on ko o faami luggendi nden moyyhere. Puulusa no qirritii: «Ko fii allankaaku Alla ngun fow no e makko. Awa kadi on wonii timmubhe e kala huunde e nder yubbhodiral mon e makko.» Yuuhanna moobhidiri dhin goongaaji e ngol kongol dhoo: «Awa en fow en hebhii moyyhere e hoore moyyhere immorde e ko woni e makko kon fow.»

Ko hondhun woni ndin heeweendi Almasiihu on e ko hondhun hendidhen e juudhe makko? Si hidhon anditi no Yuuhanna siforii non fii Almasiihu on e dheya aayeeje feyyhudhe, on anday mangural Almasiihu on, faamon ko haa honto baharu sulfu makko on woni e hewtude en nyande kala.

Ko Almasiihu on woni Daaluyee Alla iwudho on ka Baabaajo on, wano kongudhi yaltirta non e hunduko neddhanke. Ko kanko woni bhernde Alla bhurde nden luggunde e fee faale makko on, e jikku makko on e ko welata mo kon. Wano kongol ngol ka Linjiila meemirta en non, ngol naata ka wonkiiji men, ngol wattita faale men on, ko non Almasiihu on arirta ka bherdhe men, o wattita en ittiri kattudi moyyhere makko nden. Hinaa moyyhere laabaande hawniide fota nii?

Ko Almasiihu on woni ngurndan Alla dhan: lugga gande’en no waawi darnude kubheeje e ponji e bombuuje, kono gooto waawataa tagude ngurndan dhan. Ko mawbhe bhen farlii hewtinangol zurriya mabbhe on ngurndan dhan Alla yedhi bhe dhan. Hinaa ko moyyhere non? Bhayru-le ngurndan adunaaru ndun ko feyyhoojan, Almasiihu on no addude Ruuhu makko on tigi, on wondho ngurndan poomayankejan dhan wonande gomdhinbhe bhen. Iisayankoobhe bhen fow no tawdaa e dhan ngurndan Alla, bhe maayataa hande kadi. Hinaa ko moyyhere non?

Ko Almasiihu on woni ndaygu aduna on. Ko kanko woni fooludho nibhe dhen on e tagudho on ndaygu ngun e nder niwre nibbhitude nden. Himo yedhi oo aduna nibbhitudho tama'u, himo okki bawgal makko ngal oo aduna woytotoodho e nder tampereeji mun. Ndaygu Almasiihu on no waawi radhaade niwre aduna on. Ka fee laamu adunaaru gaa e ka golletee ton, ka bheynguureeji e ka mofte, bhen gomdhinbhe e makko hebhay doole no bhe duumora e peewal e sellafindeyaagal. Hara hinaa moyyhere e hoore moyyhere non?

Ko Almasiihu on tagi aduna on. Ko woni kon fow e Alla e doole no tabiti e makko. Kaawakeeji makko dhin ko seedeeji holludhi hoolaare makko nden. Ko o immitii kon hakkunde maybhe bhen seeditike ko o fooli kon mayde nden. Ka hella bhandu, o foolii sariyaaji ardiidhi dhin yaasi on, o seppii ka hoore ndiyan. O huutorii bireediije jowi e liyyhi dhin, o nyamini yimbhe timmaybhe guluuji jowi haa bhe haari. Himo andi hay ittiri cukuli wondhi dhin ka hoore mon. E hara on sujjay yeeso moyyhere makko nden, kanko dankiidho on on?

E hara hidhon faaala andude bhuri nii no fow timmiri non e Almasiihu on? Ko kanko jeyi aduna on. Jawle dhen e keyeeji dhin, pidande ngurndan mon dhan, ko kanko jeyi dhun fow. Onon bhen. Ko kanko tagi on, ayni. Ko Almasiihu on jeyi fow. Ko jeyal makko o halfini en yo en dankano mo. Buso mon ngon e miijooji mon dhin e mawbhe mon bhen ko dokke dhe Joomiraadho on yedhi on. E hara on weltanto mo fii nden moyyhere makko?

Huunde nhaldhinde nden e nder ko Almasiihu on wonti kon neddhanke e fii juldeere nde o jibinaa nden ko ko heeweendi Alla ndin yhettii kon bhandu e fee paykun. Ko on kaawake dhon annabi Isaaya hiitino duubhi 700 adii laatagol mo e tindinoore Ruuhu-Seniidho on: «Ko fii en jibinanaa ma Bhiddho, en okkaama bhiddho, laamu ngun ko ka balaawal makko wodhata. O noddiroyte Labaadho, Waajotoodho, Alla Jom-Bhural, Baaba poomayankeejo, Landho bhuttu ngun» (Isaaya 9:6). Awa non haqqil yimbhe bhen no nennii faamude fii ko Alla moyyhintiniri kon rewrude e Almasiihu on mbaadi laabhudi ndi neddhanke marnoo ndin ka fuddhoode tagoore nden. Iisaa no darjini, himo jogii faamu, ko o waajotoodho wahayinaadho, Alla Jom-Bhural poomayankeejo on. Dokke Alla dhen e ko o jeyi kon fow no wondunoo e on boobo ka dingiraa. E hara on faamii moyyhere labaande nhaldhinde nde Alla Alla wadhani en nden ko o ariri e men rewrude e Almasiihu on? En waaway wi'ude: Alla no wondi e men!

Almasiihu on faalaaka marude piiji makko moyyhi dhin fii makko tun, si wonaa dhun o luttayno ka kammu. O arii ka aduna, o wontii bhandu, o yhettii mbaadi men ndin fii udditangol en laawol kammuuli dhin no o moyyhintinira hakkunde men e Baabaajo on, o hebbina en no heewiri. Wano non, Puulusa no seeditaade wonde faale Alla on ko yo heeweedi makko ndin aru e Moftal ngal. Jangee deftere Efeesi 1:23, 4:10 e nde Koloosi nden 2:10, onsay on ardete mantugol e mawningol moyyhere Joomiraadho men on nden. Hita on luttu e nder baasal junuubaaji mon dhin, kono udditee bherdhe mon dhen e heeweendi Almasiihu on. Bhattee boobo on ka dingiraa, baraaji heewudhi juuroto on. O wattay on bhundu moyyhere nafa kawtal mon ngal.

TORAARE: Iisaa Joomiraadho, ko an woni Bhiddho Alla on. Giggol e bawgal e goonga no hodhi e maa. Medhen sujjude yeeso maa medhen weltanaade ma sabu a woddhitaaki men, kono hidha hoddi e amen. Hidha yidhi men. A wontii neddhanke, a sottii men. Medhen weltani maa fii ko yedhudhaa men kon moyyhere e hoore moyyhere.

LANDAL:

  1. Ko hondhun faameten fii heeweendi Almasiihu on?

www.Waters-of-Life.net

Page last modified on April 05, 2012, at 10:24 AM | powered by PmWiki (pmwiki-2.3.3)