Previous Lesson -- Next Lesson
1. Noddaandu fii tuubugol ngol (Matta 3:1-12)
MATTA 3:1-2
1 Ko e on saa'i dhon, Yaayaa lootoowo maande tuubuubuyee on feenyi, tawi himo waajoo ka wulaa diiwal Yahuuda, himo wi'a: «Tuubee, ko fii laamu kammu ngun bhadike!»
Yaayaa-Lootoowo maande tuubuubuyee on, gedhal Zakariyaa’u on no miijitaade ka wulaa ka Allaahu on woni fennyinande mo dhon ebbhooje labaadhe fii laamateeri makko ndin. Allaahu on no imminde mo haa e Yahuudiyankeebhe bhen fii gollugol ka bherdhe mabbhe e fii wattitugol miijooji mabbhe dhin e fii fertanagol annabi Iisaa laawol ngol.
Hari hino farli bhe wonaa Yahuudiyanke bhen looteede maande tuubuubuyee on wonande faalaabhe bhen wontude Yahuudiyanke tippude e sariya Yahuudiyanke’en on. Ukkagol ngol ka nder ndiyan yaltita ko maandini ko ko aaden kiddho on maayi kon e ko ngurndan kesan dhan hebhii kon e fee ko moyyhintindhen kon enen e Alla.
Hino hitti ka wattanen yili e ko annabi Yaayaa noddi kon Yahuudiyankeebhe huloobhe Alla bhen fii yo bhe loote maande tuubuubuyee on, hara hinaa bhe wonaa Yahuudiyanke tuunubhe bhen o noddi. Himo waajaade ka wulaa ka ciikuliiri ndin nabhoraynoo ton junuubaaji dhin: «ciikuliiri ndin nabhoray (Sariyaaji Lewiyankeebhe Bhen 16:22). Wulaa on no yhettiraa wa nokkuure ka Ibuliisa hodhi dhon. Yahuudiyankeebhe rewoobhe Alla bhen no haani wattande yili «ɓay anniyee ɓernde neɗɗanke ko ko boni gila e cukankaaku makko.» (Fuddhoode 8:21). Hibhe haani tuubude no laabhiri. Haa jooni Allaahu on no gollude rewrude e Daalol makko ngol e Ruuhu makko Seniidho on fii addugol yimbhe bhen e tuubuubuyee on e fii heydhintingol ruuhu mabbhe on no bhe jokkira faale makko on. Ngal kuugal Alla bonnitaali ko farlii kon neddhanke e fee tuubugol ngol. Joomiraadho on yidhaa hay gooto hayra, ko o yidhi, ko yo fow aru e tuubuubuyee. Mo bee no haani nootanaade hoore mun noddaandu ndu o noddaa ndun.
Noddaandu Yaayaa ndun fii lootiregol ndiyan dhan no yawti yamirooje dhe o yamiri dhen fii seedugol e ganyaneendi mabbhe ndin e fii rimugol kuudhe moyyhe. Tuubugol no laabhiri no yawti wakkilaare neddhanke nden. Ko noddaandu tiidhundu ka bhernde immorde e Joomi on. Battane mun ko labbhingol wonkii kin e wattitugol bhernde nden wattitande laabhunde e heydhintingol anniyeeji mun dhin. On mo miijii wonde ebbhoore nde Alla joganii nden neddhanke ko ka tuubuubuyee hatti, haray wadhii faljere. Ka haqiiqa neddhanke gaynataa kanko tun wattitude jikku makko on no Alla mawniniree. Annabi Yaayaa no fertanaade kisiyee Allaahu on laawol ngol no o addira aaden huuwugol kuudhe mawninaydhe Alla.
Annabi Yaayaa no wallitaade yimbhe bhen no bhe andira ko bhe woni kon junuubanke. Himo noddude bhe yo bhe tuubu junuubaaji mabbhe dhin, bhe sela huuwugol junuubu, bhe harmina dhun (e fee bugitagol ngurndan mabbhe kidhan dhan), hara bhe hoolaaki dewal neddhanke ngal, bhe dhabbhaali peewal tippude e kuudhe dhen. Annabi Yaayaa no noddude on yo on wattitu jikku mon on. Kono bhuri dhun, himo noddude on yo on hendo looteede maande tuubuubuyee on. Neddho woo hebhata tama’u si wonaa o maayu telenma junuubu on. O luttiday e bonki e tuundi haa nde o ukkii ka nder caangol giggol ngol e ka nder laabhal Alla ngal, o newnana Alla no o labbhinira mo e no o heydhintinira mo.
Ka tawi dhon ko kanko annabi Yaayaa tun woni ka wulaa, Alla no fennyinde gundoo on fii bhangugol laamu kammu ngun. Himo andi wonde Alla fuddhitoto piiji hesidhudhi dhin, o fooloyay junuubu on e bonki kin. Himo faami kadi wonde Joomi on tigi aroyay rewrude e Almasiihu on fii heydhintingol bherdhe tuunudhe dhen e fee addangol bhe Ruuhu Seniidho on. Rewrude e dhun, himo waajaade wonde laamu kammu ngun bhadike bhe. Ko wadhi kon si laamu kammu ngun no habboraa wano nii wontii dalil fii ko o noddi bhe kon yo bhe tuubu.
Dayyhere waaju annabi Yaayaa on hinaa fii noddugol yimbhe bhen e tuubuubuyee on. Kono ko fii arugol Kibaaru moyyho on immorde Alla e sincugol laamateeri makko ndin ka aduna. Ko sabu dhun, annabi Yaayaa lootoowo maande tuubuubuyee on landorii yimbhe bhen fow yo bhe hebhindino no bhe wernira Joomi on.
TORAARE: Yaa an Joomi, mi handaa e wernugol ma sabu miijooji an dhin ko tuunudhi, kongudhi an dhin ko wondudhi e dhayne, kuudhe an dhen ko aaliidhe. Hita a hawkan ka woddhi immorde e maa, hita a ittanan Ruuhu maa Seniidho on. Yedhan bhernde no mi tuubira ko laabhi. Ko non mi yi’irta mangu maa ngun e ko non mi jokkirta ndaygu maa ngun. Midho faami wonde ko mi junuubankeejo. Midho hoolii yurmeende maa nden, midho tannyinii moyyhere maa nden.
LANDAL:
- Ko hondhun woni tuubugol no laabhiri?