Waters of Life

Biblical Studies in Multiple Languages

Search in "Peul":
Home -- Peul -- Matthew - 006 (Genealogy of Jesus)
This page in: -- Arabic -- Armenian -- Azeri -- Bulgarian -- Chinese -- English -- French -- Georgian -- Hausa -- Hebrew -- Hungarian? -- Igbo -- Indonesian -- Javanese -- Latin? -- PEUL -- Polish -- Russian -- Somali -- Spanish? -- Telugu -- Uzbek -- Yiddish -- Yoruba

Previous Lesson -- Next Lesson

MATTA - Tuubee ko fii laamu Almasiihu on ngun bhadike!
Jandeeji suutaadhi ka Linjiila Almasiihu on no Matta yottiniri mo non
SOBBHUNDU 1 - Piiji arani dhin ka golle Almasiihu on (Matta 1:1 - 4:25)
A - Fii jibineede annabi Iisaa e paykunyaagal makko ngal (Matta 1:1-2:23)

1. Taariika fii Iwdi Iisaa Almasiihu on (Matta 1:1-17)


MATTA 1:2
2 … Ibraahiima jibini Issaaqa …

Ko fii Yahuudiyankeebhe bhen Matta windani deftere makko nden ka Linjiila wondude e Almasiiyaabhe bhe iwdi mun woni Yahuudiyanke bhen. O holli taho taariika fii iwdi Almasiihu on ndin fow, o jonni seedee wondema himo rindhani tigi wonugol Almasiihu on bhayru ko o iwudho e jurriya annabi Ibraahiima on, awa kadi ko o bhiddho annabi Daawuuda. Matta no lintude iwdi annabi Iisaa ndin, hara himo andi wonde hinaa nde o jibinaa nden fii makko fuddhii.

Ko rewrude e annabi Ibraahiima Alla sinciri laawol hisinayngol ngol. E fee ko o okkitiri kon Issaaqa sadaka, o fennyinii fii ko hattonjindhen kon e sadaka bajjo mo Iisaa-Almasiihu on wadhi on ka hoore leggal altindiraangal. Ko Issaaqa woni rodhudho on fodaari ndin, o ne’aa gila ko o woni paykun e nder dewal ngal e fee dhoftagol Alla dhoftaare timmunde. On neddho juuloowo sinci dewgal makko ngal e innde Joomiraadho on, o hendii njoddi mawndi sabu golle makko dhen. Hari himo munyii, o accani ngaynaakoobhe yeddodiroobhe bhen boyli dhin dhidhi, o jasi wondu goo. Ko giggol ngol o fooliri aybhe makko bhen. O wuuriri yankinaare haa nyande Allaahu on feenyannoo mo, o tentinani mo ahadi ndi o ahodunoo ndin e annabi Ibraahiima. Jikku annabi Issaaqa on e jikku annabi Iisaa on no mari piiji buy nanditaydhi (Fuddhoode 24:63; 25:5; 26:12-13, 22).

Kono annabi Issaaqa kadi wadhii junuubu wano ben makko non. O wi’i aybhe makko bhen wonde bheyngu makko ko «bandiraawo makko» kulol hita o maayu (Fuddhoode 26:7-9). Ko bheydii e dhun, annabi Issaaqa no yidhuno bhiddho makko afo on Iisu bhuri minyan makko Yaaquuba. Dhun adddi nawliiguuji. Sonna makko e Yaaquuba haldi no bhe dartora mo, bhe wadhani mo gantanru. Bhay o nangike e nder pilcol ngol, o jonni baraaji dhin Yaaquuba dhoo yo o jonnu dhi Iisu no on tawdiniree e iwdi annabi Iisaa ndin.

TORAARE: Jom leydi e kammu, mi yettii ma e mi mawninii ma fii ko hiwudhaa kon baabiraabhe bhen ka gomdhinal hiwande timmunde fii kala hibhe lo’unoo. Giggol maa ngol lumbi saa’iiji dhin fow. Midho gomdhini ko subhidhaa mi kon fii wuurangol Almasiihu on e ko yurmadhaa lan kon fii kala ko mi marudho ellaaji. Mi yettii ma fii moyyhere maa tiidhunde nden.

LANDAL:

  1. Ko hondhun nandintidhi annabi Issaaqa e annabi Iisaa?

www.Waters-of-Life.net

Page last modified on May 16, 2012, at 01:00 PM | powered by PmWiki (pmwiki-2.3.3)