Previous Lesson -- Next Lesson
1. Ang magtutuo giila iyang kaugalingong patay sa sala (Roma 6:1-14)
ROMA 6:12-14
12 Busa niini ayaw ipahari ang sala sa imong mamatay nga lawas aron ikaw mosunod sa mga daotang kagustohan niini. 13 Ayaw ihalad ang mga parte sa imong lawas sa sala, isip instrumento sa kadaotan, apan ihalad imong kaugalingon sa Dios, susama sa mga gidala gikan sa kamatayon ug pagkabuhi; ug ihalad ang mga parte sa imong lawas ngadto kaniya isip instrumento sa katarong. 14 Kay dili ka ulipon sa sala tungod kay dili ikaw ubos sa Sugo, apan ubos ka sa grasya.
Siya, kinsa giluwas gikan sa gahum sa sala ug nagtukod sa panag-uban kang Kristo, gakasilag sa sala, gibati ug kalagot niini, ug dili gusto makabuhat na pud. Ang pangibug kusgan, apan ang gugma ni Kristo mas kusgan. Siya kinsa mobarog sa ebanghelyo, ug malahutayong moampo, makakita ug makakuha sa gahum nga makigbatok sa mga kagustohan sa iyang lawas ug kalag.
Wala niya giserbisyohan iyang kaugalingon, o misunod sa yawan-ong doktrina, apan buot nga magdumili sa mga malaw-ay nga buhat. Siya wala na nakadungog sa tawag sa pagkatintal, tungod kay nagpadayon siya sa panag-uban sa kadaugan ni Hesus, kinsa ang gahum mas kusog kaysa bisan kinsang kagustohan sa kamatayon sa imong lawas. Ang Balaang Espiritu nagtukod sa kaalam diha kanimo nga mas maalamon pa kaysa tanang mga pilosopiya sa kalibutan.
Pagdumili gikan sa mga yawan-ong buhat, basahon, salida, ug daotang mga kauban. Ayaw pakigbulag gikan sa pakig-uban kang Kristo. Ayaw padaug sa gahum sa sala, apan pagsalig kang Kristo ug ang iyang gahum sa kaluwasan.
Tiunay kana ba nga naangkon sa Dios. Nagginhawa ka sa iyang Espiritu, ug imong nasinati ang walay katapusang kamatuoran. Nan unsaon nimo ug hunahuna sa imong mga buhat kung wala ang Dios? Dalha imong kaugaling ngadto sa Ginoo, isip sundalo sa balaang giyera, ug ihalad ngadto kaniya imong oras, imong kusog ug imong salapi.
Ang imong pagsakripisyo dili katungdanan, apan pribilehiyo, pagpasalamat, ug kalipay. Pangutan-a imong Ginoo asa iyang gusto ka mag serbisyo. Kay daghan ang anihonon, apan nihit ang mag-aani. Busa pag-ampo sa Ginoo nga Siya magpadala sa mga mag-aani ngadto sa anihonon. Apan ayaw pagdali ug serbisyo sa Ginoo unya magdumili raman diay gihapon. Nunut sa iyang pag-giya. Kay pinaagi kanimo iyang banhawon ang katawhan nga namatay sa sala aron mabuhi sa iyang walay katapusang grasya. Busa ihatag imong lawas ug tanan nimong kabutangan isip mga armas sa pagkamatarong sa Dios.
Ayaw kalimot sa pagpasalamat, kay ikaw namatay sa sala, apan karon nabuhi kang Kristo. Dalha imong mga gasa balik sa Dios aron iyang magamit nga instrumento sa kaluwasan sa kadaghanan. Ang Usang Balaan midawat kanimo kang Kristo, ug mipadala kanimo ngadto sa anihonon aron himayaon sa gahum ang iyang katarong diha sa imong kahuyang. Ayaw ug langan! Pagpangalagad na!
Si apostol Pablo mitawag sa iyang kaugalingon nga sulogoon ni Kristo. Kanus-a ka mosunod kaniya, paghatag sa imong kinabuhi sa serbisyo sa Dios alang sa tanang panahon?
Kadtong tanang nagserbisyo, sama ni Pablo, sa pakig-uban sa gugma sa Dios, iyang nasinati ang gahum sa Balaang Espiritu matag adlaw, ug iyang naila ang unang kabag-ohan nga nahitabo sa iyang kasing-kasing. Ang sala wala na naglingkod nga nagkatawa sa trono sa imong kasingkasing, apan si Kristo mismo ang gakupot sa imong kasingkasing, ug sa iyang pagpuyo kanato ang bag-ong panahon nagsugod sa atong kinabuhi. Sa atong kasinatian sa mga sugo sa Dios dili imposibleng katungdanan, apan dugay na natong gusto nga malipayong mosunod, naaghat pinaagi sa gahum sa Espiritu. Matag Kristiyano adunay gasa sa gahum sa grasya. Ang kamatayon ug pagkasalawayon wala naghari kaniya. Ang usa ka mihari sa atong hunahuna ug kasingkaing mao si Kristo ug iyang dakong grasya.
PAG-AMPO: O Ginoong Hesu Kristo, kami gasimba kanimo matag buntag ug matag gabii, tungod kay adunay utlanan imong kaugalingon sa among mamatay nga lawas aron mahimo kami nga imong kaabag sa walay katapusang kinabuhi. Ikaw naghari sa among kasingkasing ug hunahuna. Tudloi kami nga mahimong maalamon sa buhat aron kami magasimba kanimo ug imong langitnong Amahan sa tanan namong huna-huna, kusog, ug salapi, ug kami matagad sa tanang magtotoong sulogoon sa imong gugma.
PANGUTANA:
- Giunsa pagdala nato sa atong kaugalingon ug ubang parte sa atong lawas isip mga armas sa katarong sa Dios?
Akong kaugalingon pirmi naningkamot nga adunay konsensiya nga
walay kalapasan sa Dios ug mga tawo.
(Mga Buhat 24:16)