Waters of Life

Biblical Studies in Multiple Languages

Search in "Cebuano":
Home -- Cebuano -- John - 101 (Jesus intercedes for his apostles)
This page in: -- Albanian -- Arabic -- Armenian -- Bengali -- Burmese -- CEBUANO -- Chinese -- Dioula? -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

JUAN - Ang kahayag nga misidlak sa kangitngit
Mga pagtuon sa Ebanghelyo ni Kristo sumala ni Juan
PARTE 3 - ANG KAHAYAG MISIDLAK PALIBOT SA MGA APOSTOLES (Juan 11:55 - 17:26)
E - ANG PAGPATALIWALA NI HESUS SA PAG-AMPO (Juan 17:1-26)

3. Si Hesus nagpataliwala sa iyang mga apostoles (Juan 17:6-19)


JUAN 17:6
6 Gipaila ko ikaw sa mga tawo nga imong gihatag kanako gikan sa kalibotan. Imo sila ug gitugyan mo sila kanako. Gituman nila ang imong pulong.

Human si Hesus nadani nga ang iyang Amahan maoy maglig-on niya aron mahuman ang pagtubos, ug nasayod nga ang himaya sa Amahan modagaya pinaagi sa pagkatawo sa daghang mga anak. Ang iyang hunu-huna nasibog ngadto sa iyang mga tinun-an nga iyang gipili gawas sa kalibotan ug nahiusa kanila diha sa langitnong pagnag-uyon.

Si Kristo nagpahibalo sa iyang mga tinun-an sa bag-ong ngalan sa Ginoo: “Amahan”. Sa pagpahibalo niini, sila nahimong iyang mga anak, gipili gikan sa kalibotan. Kining bag-ong binuhat maoy sekreto sa Iglesia, alang sa mga magtutuo ni Kristo og dili na malaglag, apan magdala sa kinabuhi sa Dios sa ilang mga kaugalingon. Kadtong natawo sa Dios dili na mahisakop sa iyang kaugalingon, apan sila kabtangan na sa Dios, nga maoy nagpakatawo kanila. Siya naghatag kanila sa Iyang Anak, kinsay nagpalit kanila pinaagi sa iyang dugo. Kon kamo mituo ni Kristo, kamo nahimong butang nga iyang gipanag-iya.

Kining langitnong paka-amahan ug ang mga magtutuo nga mahimong Iyang mga anak natuman diha sa mga tinun-an pinaagi sa ilang pagtuo diha sa Ebanghelyo, ug ang ilang pagtuman sa iyang bililhong mga pulong. Kining mga pulong dunay sulod o gibug-aton og wala magsaba-saba o mahanaw nga daw aso ingon sa daghan kaayo ang itom nga mga litra nga gi-imprenta diha sa kalibotang printahan. Kini mga pulong sa Ginoo ug ang mga litra nag-awas nga adunay kusog nga gahom. Siya nga magatuman sa mga pulong sa Amahan sa iyang kasingksaing, magpuyo uban sa iyang kusog.

JAUN 17:7-8
7 Ug karon nakahibalo sila nga ang tanan nga gihatag mo kanako naggikan kanimo. 8 Gihatag ko kanila ang mensahe nga imong gitugyan kanako ug kini gidawat nila. Nasayod sila nga tinuod nga ako gikan kanimo ug mituo sila nga ikaw ang nagpadala kanako.

Ang pulong sa Dios sa mga ngabil ni Hesus nagmugna ug kahibalo sa kaluwasan aron sa pag-usab sa mahugaw nga kinabuhi. Si Hesus nagkinabuhi sa iyang kaugalingong mensahe ug nagdala sa iyang mga buhat pinaagi sa gahom sa maong PULONG. Ang tanan niyang mga kusog ug mga panalangin miabot kanato diha sa mga Pulong sa Amahan. Ang Anak miangkon nga wala siyay pribadong kahibalo, apan ipahinungod sa iyang awtoridad, kusog, kaalam ug gugma diin ang Dios naghatag kaniya.

Si Kristo mitanyag sa iyang pinakamahal nga kabutangan: iyang mga pulong. Kini gikan sa iyang Amahan busa ang Anak mao ang Pulong sa Dios nga nagpakatawo. Kini nga pulong maoy tinubdan sa atong gahom. Busa kita nakasinati sa gahom ug kaalam pinaagi niini nga pulong. Atong gidawat kini nga mga ilhanan ug mga pulong uban sa kalipay. Ang mga nasulat sa ebanghelyo nahatag ug gahom kanato aron masabot ang kamatuoran sa Amahan, Anak ug Espiritu Santo.

Atong makaplagan dinhi si Kristo nagpadayag sa pag-ampo sa nasabtan niya sa iyang mga tinun-an ug ang ilang pagsabot sa iyang mga pulong, tungod kay siya nagpugas sa mga binhi sa pagtuo sa ilang mga kasingkasing. Ilang gidawat ang iyang mga pulong uban sa kalipay, bisan dili diha-diha dayon. Unya iyang gibubo ang iyang Espiritu diha kanila; ang kalibotan mitubo ug nagdalag bunga sa panahon sa Dios. Kini gitagna ni Kristo sa wala pa kining mga hitabo seguradong moabot.

Ang mga pulong ni Kristo naghimo ug pagtuo uban sa kahibalo sa mga tinun-an. Unsa kanang pagtuo? Ang prosisyon sa Anak gikan sa Amahan, og ang presensiya sa walay kataposan sulod sa panahon, ang iyang langitnong himaya diha sa porma sa tawo, ang iyang gugma bisan pa sa kasilag, ang iyang gahom diha sa kaluyahon, ang iyang pagka Dios bisan sa iyang paghimulag gikan sa Dios didto sa krus, ug ang iyang kinabuhi luyo sa kamatayon. Ang Balaang Espiritu nagtukod kanila sa ilang Manunubos, ug sila nahimong mga membro sa iyang lawas. Sila dili dugay nga nagpabilin sa yanong paghuna-huna mahitungod kaniya, apan mikupot kaniya sa tibuok kasingkasing samtang siya nagpabilin kanila diha sa espiritu. Sa ingon niini sila nahimong nakamatngon pinaagi sa pagpamuhat diha sa Espiritu ang pagka Dios ni Kristo.

Sa kinabuhi ni Kristo, ang mga tinun-an nakasabot sa kahulogan sa: “Siya nga natawo sa Espiritu Espiritu usab.” Kining bulahang Espiritu mao ang langitnong gahom sa kinabuhi sa mga tinun-an. Siya moabot pinaagi sa mga pulong ni Hesus.

PAG-AMPO: Ginoong Hesus, salamat sa paghatag kanamo sa mga pulong sa imong Amahan- mga pulong nga puno sa kinabuhi, gahom ug kusog. Nakabuhat kamog pagtuo ug kahibalo diri kanamo. Ikaw ang among gahom, gihigugma ka namo ug gihimaya ka uban sa Amahan nga naghatag kanimo nganhi kanamo.

PANGUTANA:

  1. Unsa ka mahinungdanon ang pagpadayag sa ngalan sa Amahan pinaagi ni Hesus?

www.Waters-of-Life.net

Page last modified on April 30, 2013, at 10:25 AM | powered by PmWiki (pmwiki-2.3.3)