Previous Lesson -- Next Lesson
2. Ang Magbubunyag nagandam sa dalan ni Kristo (Juan 1:6-13)
JUAN 1:6-8
6 Miabot ang tawo, gipadala gikan sa Dios, kinsa ang ngalan mao si Juan. 7 Mao usab ang miabot nga testigo, kay siya unya ang mopamatuod bahin sa kahayag, nga ang tanan nga motuo pinaagi kaniya. 8 Dili siya ang kahayag, apan siya gipadala aron mopamatuod sa kahayag.
Gipadala sa Dios si Juan nga Magbubunyag ngadto sa kangitngit sa kalibutan aron motawag sa mga tawo nga moduol sa silak sa diosnong kahayag. Bisan kinsa nahibalo nga ang daghang sala nabuhat diha sa kangitngit. Apan bisan kinsa nga mokumpisal sa iyang sala sa Dios, mahinolsolon ug nagsakit ang kasingkasing, moadto sa kahayag. Ikaw usab unsay imong buhaton? Naka-adto kanaba sa kahayag o anaa ka nagtago sa imong kaugalingon sa kangitngit?
Ang Magbubunyag mipasabot sa katawhan mahitungod sa kondisyon sa ilang kasingkasing. Sa ilang relasyon sa balaod sa Dios, silang tanan daotan. Nagkinahanglan sila sa paghinolsol ug kabag-ohan aron sila dili malaglag sa Adlaw sa Ginoo. Ang tawag sa Magbubunyag nakalisang sa kadaghanan ug ang katawhan midagan ngadto sa mitawag nila sa paghinolsol sa desyerto. Sila nagkumpisal sa ilang mga sala ug nangayo sa pagbunyag sa suba sa Jorda, isip simbolo sa paghugas gikan sa sala, ang pagkalumos sa ilang mga kaugalingon ug ilang pag-abot sa bag-ong kinabuhi gikan sa sulog sa suba.
Gipili sa Dios si Juan nga Magbubunyag. Iyang gipahayag siya ug gipili niya nga motandog sa tanang tawo aron sila makamatngon, mautro ilang panghunahuna ug mangandam sa pag-abot ni Kristo. Ang mga tawo sa Karaang Testamento kabalo bahin sa usa kinsa muanhi sa ngalan sa Ginoo. Si Isaias nga propeta ang miingon kaniya, “Ang mga tawo nga naglakaw sa kangitngit nakakita sa dakong kahayag; kadtong kinsa nagpuyo sa yuta sa anino sa kamatayon, ibabaw nila ang kahayag mosanag” (Isaias 9:2). Siya usab misulti sa ngalan sa Ginoo, “Bangon, pasinag; kay imong kahayag miabot! Ug ang himaya sa Ginoo mobakod kanimo” (Isaias 60:1) Ang Magbubunyag nagtudlo nga ang pag-abot sa kahayag diha sa kangitngit wala nagpabilin lamang sa mga tawo sa Karaang Testamento, apan kini abre alang sa kang bisan kinsa. Busa ang mensahe sa Magbubunyag alang sa tibuok kalibutan, aron ang mga tawo gikan sa Asya Minor ug sa tanang ubang rehiyon palibot sa dagat Mediteranio mosunod kaniya sa mga katuigan human sa iyang kamatayon.
Libo-an ang misunod kaniya maski sa iyang testimonya nga siya dili ang kayahag, apan ang magsisibya pinadala una niya. Wala niya gipunting ang mga tawo sa iyang kaugalingon, apan gigiyahan ngadto kang Kristo. Kini ang klaro nga simbolo sa tanang tinuod nga magsasangyaw sa Dios, nga dili nila gaposon ang ilang mga sumusonod sa ilang kaugalingon, apan kang Kristo lamang.
Ang tumong sa serbisyo ni Juan dili ang pagkumpisal ug pagbunyag apan ang pagdala kanila sa pagtuo kang Kristo. Siya kabalo nga ang mga tawo naglaum nga iyang ipadayag nga siya sa iyang kaugalingon mao si Kristo. Apan wala siya nahulog sa maong temptasyon apan nag-andam hinuon sa dalan sa Ginoo. Siya nasayod nga ang pag-abot ni Kristo mao ang Usa kinsa nga mobunyag sa mga tawo pinaagi sa Balaang Espiritu. Si Juan nakabalo nga ang pagkumpisal sa matag tawo dili sigo, maski siya mabunyagan sa kapasayloan sa sala. Apan, siya kabalo nga kitang tanan nagkinahanglan ug kumpleto nga kabag-ohan sa kahiladman sa atong pagkatawo. Ang Dios wala naghatag kaniya niining katungod sa pag-utro sa kasingkasing, sama sa wala niya gihatag bisan kang kinsa sa mga propeta sa Karaang Testamento. Kini nga katungod gigahin alang sa tinubdan sa kahayag nga magbubuhat, ang naghatag-kinabuhi nga pulong, diin nakapa bag-o sa tawo sa iyang katungod kung sila motuo sa iyang ngalan ug moabre ngadto sa iyang kahayag. Sa niining paagi, si Juan midala sa kadaghanan sa pagtuo ni Kristo, sa pagkabalo nga ang pagtuo lamang makadala nila ibabaw ngadto sa bag-ong panahon.
Si Apollos isog ug kugihan nga magtotuon nga gasunod sa pagtudlo ni Juang nga Magbubunyag. siya nagsangyaw alang ni Kristo nga epektibo bisan wala makasinati sa kayahayag sa bag-ong pakigsaad. Apan sa dihang siya naluwas diha kang Kristo, ang kahayag misulod sa iyang kasingkasing ug siya nahimong kayahag sa Ginoo ug iwag sa kangitngit. Siya midan-ag sa kadaghanan (Buhat 18:24-28)
PAG-AMPO: O Ginoong Kristo, kami gapadako nimo ug nagapasalamat kanimo tungod kay ikaw ang kayahag sa kalibutan ug paglaum sa mga alaot. Imong kaming gihayagan sa kangitngit sa among kasingkasing, mipadayag sa among mga sala ug mipasaylo niini. Kami nagapasalamat kanimo tungod kay imo kaming gihimo nga imong mga anak sa kayahag ug mihatag ug kagawasan kanamo alang sa kinabuhing walay katapusan. Kami gahangyo nimo nga ang mga silak sa imong kahayag moabot sa among mga higala ug paryente aron sila makatagam-tam sa tinuod nga pagpasaylo ug pinaagi sa pagtuo makasulod sa imong dakong kahayag.
PANGUTANA:
- Unsay mga nanguna nga katuyoan sa serbisyo ni Juan nga Magbubunyag?