Waters of Life

Biblical Studies in Multiple Languages

Search in "Afrikaans":
Home -- Afrikaans -- Romans - 076 (The Secret of Paul’s Ministry)
This page in: -- AFRIKAANS -- Arabic -- Armenian -- Azeri -- Bengali -- Bulgarian -- Cebuano -- Chinese -- English -- French -- Georgian -- Greek? -- Hausa -- Hebrew -- Hindi -- Igbo -- Indonesian -- Javanese -- Kiswahili -- Malayalam -- Polish -- Portuguese -- Russian -- Serbian -- Somali -- Spanish? -- Tamil -- Telugu -- Turkish -- Urdu? -- Yiddish -- Yoruba

Previous Lesson -- Next Lesson

ROMEINE - Die Here is ons Geregtigheid
Studies in die Brief van Paulus aan die Romeine
BYLAAG TOT DEEL 3 - SPESIALE VERSLAE OOR PAULUS SE KARAKTER AAN DIE LEIERS VAN DIE KERK IN ROME (Romeine 15:14 – 16:27)

2. Die geheim van Paulus se bedeining (Romeine 15:17-21)


ROMEINE 15:17-21
17 Ek het dan rede om te roem in Christus Jesus, in die dinge aangaande God. 18 Want ek sal nie waag om iets te sê van dinge wat Christus nie deur my gewerk het nie om die heidene tot gehoorsaamheid te bring, met woord en daad, 19 deur die krag van tekens en wonders, deur die krag van die Gees van God, sodat ek die evangelieverkondiging van Christus volbring het van Jerusalem af en rondom tot by Illírikum; 20 maar só, dat ek my eer daarin gestel het om die evangelie te verkondig, nie waar Christus alreeds bekend was nie om nie op die fondament van 'n ander te bou nie 21 maar soos geskrywe is: Hulle aan wie niks van Hom vertel is nie, sal dit sien; en hulle wat nie gehoor het nie, sal dit verstaan.

Paulus het in die publiek gejuig en sy bedienings en oorwinnings verheerlik. Hy het egter dadelik bely dat sy werke en woorde nie uit homself gekom het nie, maar van Jesus Christus wat in hom gewoon het en deur hom gewerk en gepraat het. Die apostel van die Heidene het nie die moed gehad om te praat van die resultate en impak wat nie deur Christus self geproduseer is nie. Hy het homself as ‘n slaaf van sy Verlosser beskou en was gehoorsaam aan sy leiding. Dit is die geheim in die lewe van die apostel; dat hy “in Christus” was. Hy het die gedagtes van Christus gedink, gepraat oor wat Christus in hom geïnspireer het en gedoen wat hy hom beveel het om te doen. Hierdie is die rooi lyn in die skrywe van die Handelinge van die Apostels en die geheim in alle prediking in die kerke vandag. Die doel van die lewende Here Jesus Christus in die lewe van Paulus wat homself ‘n slaaf gemaak het, was om die barbaarse mense deur geloof na Christus te lei.

Paulus se toesprake en skrywes was nie genoeg vir hierdie diens nie; daarom moes hy moeilike reise onderneem, vreemde kosse eet, fisiese werk doen en ook wonderwerke doen. Hy het duidelik getuig dat al hierdie toesprake, werke en wonderwerke gedoen was deur die krag van die Vader, die Seun en die Heilige Gees, en nie deur homself nie. Die geheim van sy effektiewe diens was sy totale selfverloëning en die verheerliking van Christus, die Verlosser.

Paulus het die verspreiding van sy bediening van Jerusalem na Anatolië en na die Westelike deel van Griekeland verklaar. Al hierdie provinsies was onder Romeinse beheer en Paulus het tydens die meeste van sy reise te voet gewandel, nie te perd of in ‘n perdewa nie. Hy het homself uitgeput in sy bedienings om die ongelowiges, onkundiges en heidene na Jesus te wen. Hy het ook bevestig dat die eer van sy bediening was om die evangelie van Christus aan die stede, dorpe en provinsies te kommunikeer waar die naam van Jesus onbekend was. Hy wou nie op die fondasies van ander bou nie, maar hy was die eerste om te bedien waar niemand hom nog voorafgegaan het in die gevare en ontbering wat hy gely het nie. Deur sy bediening het hy die Goddelike belofte vervul wat aan die profeet Jesaja gemaak is: “so sal Hy baie nasies laat opspring, konings sal hulle mond oor Hom toehou; want wat aan hulle nie vertel is nie, sien hulle; en wat hulle nie gehoor het nie, word hulle gewaar” (Jesaja 52:15).

Die Jode, as ‘n minderheid, was nie oortuig van hierdie Goddelike plan nie, want hulle het hulle as die enigste mense van God beskou. Paulus het egter die waarheid van sy bediening onder die Heidene verduidelik, gebou op Bybelse bewyse en op die beloftes van God aan die Heidene.

GEBED: O hemelse Vader, ons dank u deur Jesus Christus, want sy getroue dienaars het nie in hul eie hoedanigheid gepraat nie, of in hul eie krag gewerk nie, maar het gepraat en gewerk in die naam van Christus en sy krag verkry. Weerhou u dienaars van alle woorde en dade wat deur hulle eie wil geproduseer mag word en bevestig hulle in die geestelike liggaam van Christus.

VRAAG:

  1. Wat is die geheim van die bediening van die apostel Paulus?

www.Waters-of-Life.net

Page last modified on March 19, 2014, at 01:15 PM | powered by PmWiki (pmwiki-2.3.3)